سلام عليكم
شحالكم ... (( انا اليوم يايبتلكم شعر انشالله تعجبكم ))
ضَمّدْ جُرُوُحِكْ يَا جُرُوُحِيِ برُوُحِكْ
مَحْدِنْ بِيِدَارِيِكْ وَ مَحْدِنْ بِكْ بِيِهْتَمّ
وَ انْسَى حَبِيِبْ الْمَاضِيِ وَ انْسَى جُرُوُحِكْ
وَ انْسَى مِنْ بِكِيِتْ لأَجْلَهْ وَ تجَرّعْتْ الأَلَمْ
عِيِشْ حِيَاتِكْ فِيِ صَمْتِكْ وَ بُوُحِكْ
وَ لاَ تِرْجَعْ لِلْوَرَى بِذِكْرَيَاتِكْ وَ لاَ تِنْدَمْ
وَ لاَ تِبْكِيِ عَلَى اللّيٍ انْقِضَى وَ تنُوُحْ نُوُحِكْ
عمْر البِكَا مَا يِرِدّ الْقِضَا وَ أَمْرَ اللهْ الْمُحْكَمْ
تعَلّمْ مِنْ دِنْيِتِكْْ وَ خَلّ الْمُسْتَقْبَلْ طُمُوُحِكْ
وَ لاَ تِيِئَسْ هَذِيِ الْحَيَاةْ صَفَحَاتْهَا مُعْجَمْ
وَ لاَ تِذْكِرْ اللّيِ نِسَاكْ وَ هِدَمْ صُرُوُحِكْ
وَ لاَ تحِنّ لِقَلْبٍ رِمَاكْ وَ لَوّعَكْ بَالْهَمّ
وَ لاَ تِتْبَعْ وَهْمْ وَ سَرَابْ وَ خَلّكْ فِيِ وُضُوُحِكْ
وَ لاَ تِرْسِمْ أَمَانِيِ زَايِفَةْ وَ لاَ تِنْخِدِعْ بِالْحِلْمْ
يَا جُرُوُحِيِ دَارِيِ هَمّكْ وَ لاَ تِبْدِيِ فضُوُحِكْ
وَ لاَ تِشْكِيِ لِلْغِيِرْ عَنْ جَرُوُحِكْ وَ لاَ تِغْتَمّ
اكْتِمْ جُرُوُحِكْ وَ خَلّ قَلْبِكْ تصُوُحِكْ
وَ اتْرِكْ الْبَاقِيِ عَلَى المَعْبُوُدْ وَ لاَ تِهْتَمّ
الأربعاء مايو 07, 2008 5:30 am
